不論過多久，對待昆蟲的態度依舊。賞識這點的人，似乎尚未遇到。
作為一個女人，我覺得自己唔怕昆蟲呢樣野都可以勉強叫做優點，亦算係同類中既少數。由細到大，我對上天下地的昆蟲們只有一個態度－「遇神殺神，遇佛殺佛」。我知殺生係唔好的，如果可以趕我會趕，但大多數情況下，我隻手會快過我個腦，有時唔追殺都唔會心息。呢啲業報今世還唔清就下世還啦。
身邊有唔少一見昆蟲小強就尖叫既人（男女都有），趕又唔肯趕，一味係度嗌同閃，至少我識唔到一個會陪我打昆蟲既人。於是有時覺得自己主動驅蟲而且百發百中個下都幾勇武，朋友們係我趕走昆蟲個一刻，應該都暗自叫好。
記得細個有幾次驅蟲經歷都令我難忘。有一次有隻巨型曉飛類似甲蟲既生物突然飛入屋，個陣屋企除我以外一個人都無，唯有自己搞掂佢。佢飛得實在太大聲，我個下即刻燥底，拎住䁁衫碌棍去追趕佢。見佢係洗手間上空不停盤旋，我心生一計，覺得手上既武器唔夠勁，走去廚房拎左個拖把黎對準佢一野轟落去，試左幾次最後......
Search